Dacia model sırasına Striker adlı yeni büdcə krossover-universal əlavə etməyə hazırlaşır. Modelin başlanğıc qiymətinin 25 min avrodan aşağı olacağı gözlənilir. Avtomobilin Avropa bazarında satışına bu ilin yayında başlanması planlaşdırılır.
Yeni Dacia Striker bu xüsusiyyətləri ilə seçilir:
kəskin və bucaqlı dizayn xətləri
relyefli kuzov panelləri
artırılmış klirens (yol məsafəsi)
plastik qoruyucu örtüklər
iri ölçülü yüngül lehimli disklər
Modelin uzunluğu 4,62 metrdir və bu göstərici onu markanın ən böyük avtomobili edir.
Salonun şəkilləri hələ təqdim edilməyib. Lakin avtomobilin yalnız 5 yerlik versiyada təklif olunacağı gözlənilir. İnteryer həllərinin isə böyük ehtimalla Dacia Duster və Dacia Bigster modelləri ilə oxşar olacağı bildirilir. Bu sistemlərə 10,1 düymlük mərkəzi multimedia ekranı da daxil ola bilər.
Striker CMF-B platforması üzərində hazırlanıb. Bu platformadan həmçinin Bigster və digər Dacia modellərində də istifadə olunur. Şirkət təsdiqləyib ki, model:
hibrid
iki yanacaqlı (məsələn, benzin və LPG)
versiyalarda təqdim ediləcək.
Bundan başqa, Renault Group yaxın vaxtlarda “kvadrat” dizaynlı mini-krossover də təqdim etməyi planlaşdırır. Renault Bridger adlı bu model hələlik konsept avtomobil kimi nümayiş etdirilib.
MONETAR.AZ
