Bitcoin bugün özünü toparlayaraq 90 000 dollar həddini aşdı. ABŞ Federal Ehtiyat Sisteminin (FES) faiz dərəcəsini azalda biləcəyi ilə bağlı artan gözləntilər investor marağında yeni dalğa yaradıb. Dünyanın ən böyük kriptovalyutasının məzənnəsi 4% artaraq 91 201,6 dollar təşkil edib.
Keçən cümə günü 80 000 dollara qədər düşdükdən, apreldən bəri ən aşağı səviyyə. İndi isə Bitcoin yenidən yüksəlişə başlayıb. Buna gələn ay FES-in siyasətini yumşalda biləcəyi ilə bağlı artan optimizm səbəb olub.
Hazırda bazarlar faiz dərəcəsinin dörddə bir bənd azaldılması ehtimalını təxminən 85% qiymətləndirir. Bu, bir həftə əvvəlki cəmi 44%-lə müqayisədə kəskin yüksəlişdir. Adətən, faizlərin azaldılması likvidliyi artırdığı üçün Bitcoin kimi “riskli aktivlərin” dəyərini də yüksəldir və yüksək gəlirlilik təqdim edən alternativlərə marağı artırır.
Buna baxmayaraq, müəyyən ehtiyatlılıq qalmaqdadır. ABŞ-da inflyasiya hələ də yüksəkdir və makroiqtisadi göstəricilər qarışıqdır. Bu isə FES-in nə qədər və necə sürətlə addım ata biləcəyi barədə suallar doğurur. Son günlərdəki artımın davamlı yüksəliş trendinin başlanğıcı yoxsa qısamüddətli texniki sıçrayış olması müzakirə mövzusudur.
Optimistlərin fikrincə, Kevin Hassettin FES-in növbəti sədri təyin oluna biləcəyi ehtimalı da Bitcoin və digər riskli aktivlərdə “buğa ssenarisini” gücləndirir. Bəzi analitiklər onu daha yumşaq monetar siyasət tərəfdarı hesab edirlər.
MONETAR.AZ
