ABŞ-ın aparıcı maliyyə qurumları Federal Ehtiyat Sisteminin faiz siyasəti ilə bağlı proqnozlarını yeniləyiblər.
JPMorgan iqtisadçıları Maykl Feroli, Fibi Uayt və Cey Berrinin daxil olduğu komandanın 9 yanvar tarixli hesabatında Fed-in 2026-cı il boyunca faiz dərəcələrini sabit saxlayacağı gözləntisi ifadə olunub. Hesabatda qeyd edilir ki, əmək bazarındakı mümkün zəifləmənin hələlik bazar qiymətlərində əksini tapmaması və diqqətin Fed sədrliyi ilə bağlı proseslərə yönəlməsi səbəbindən əlavə risk mükafatı bir neçə ay davam edə bilər.
JPMorganın qiymətləndirməsinə görə, dekabr ayı üzrə açıqlanan məşğulluq hesabatı işsizlik səviyyəsinin 4,5 faizdən 4,4 faizə enməsi ilə əmək bazarında yavaşlama ilə bağlı narahatlıqları azaldıb. Bank ikinci rübdə əmək bazarında daha da sərtləşmə gözləyir.
Strateqlər FED-in 2027-ci ildə faiz dərəcəsini 25 baza bəndi artıraraq üçüncü rübdə 3,75–4,00 faiz aralığına yüksəldəcəyini proqnozlaşdırır.
Eyni zamanda, Citigroup, Morgan Stanley və Barclays kimi iri banklar da son məşğulluq məlumatlarına əsaslanaraq Fed-lə bağlı gözləntilərini yeniləyiblər. Citigroup ilk faiz endiriminin mart ayında baş verəcəyini düşünür. Morgan Stanley və Barclays isə ilk endirimin iyun ayında olacağını gözləyir.
Monetar.az
