Amerikalı sahibkar və milyarder İlon Mask dövlət büdcəsindən vəsaitlərin birbaşa vətəndaşlara köçürülməsini təklif edib. Onun fikrincə, süni intellekt və robot texnologiyalarının sürətli inkişafı iqtisadiyyatda məhsuldarlığı artıraraq inflyasiya risklərini azalda bilər.
Musk sosial şəbəkədəki paylaşımında bildirib ki, mal və xidmətlərin istehsal artımı pul kütləsinin artımını üstələdiyi müddətdə inflyasiya yaranmayacaq. O hesab edir ki, süni intellekt və robotlaşmanın geniş tətbiqi nəticəsində gələcəkdə əsas problem inflyasiya deyil, əksinə deflyasiya ola bilər.
Milyarder bu fikirləri ABŞ administrasiyasının süni intellekt sektoruna nəzarətin gücləndirilməsi ilə bağlı müzakirələr fonunda səsləndirib. Daha əvvəl ABŞ-ın vitse-prezidenti Vens ölkə rəhbərliyinin süni intellekt sahəsində fəaliyyət göstərən iri şirkətlər üzərində nəzarəti artırmağı planlaşdırdığını bildirmişdi.
İqtisadçılar qeyd edirlər ki, dövlət vəsaitinin birbaşa əhaliyə yönəldilməsi ideyası yeni deyil. Bununla belə, belə bir modelin tətbiqi inflyasiya, büdcə yükü və əmək bazarına təsiri baxımından geniş müzakirələr tələb edir.
Ekspertlərin fikrincə, süni intellekt və avtomatlaşdırmanın iqtisadiyyatda payının artması gələcəkdə gəlirlərin bölüşdürülməsi ilə bağlı yeni mexanizmlərin gündəmə gəlməsinə səbəb ola bilər.
MONETAR.AZ
