Dünya enerji xəritəsində mühüm struktur dəyişikliyi baş verir. Xammal bazarları üzrə ixtisaslaşmış "BigMint" konsaltinq şirkətinin hesabatına əsasən, dünyanın ikinci ən böyük istilik kömürü idxalçısı olan İndiyanın xaricdən kömür alışı yanvar–may dövründə son dörd ilin ən aşağı səviyyəsinə — 65 milyon tona enib.
Ötən ilin eyni dövrü ilə müqayisədə idxal həcmində 12%-lik kəskin azalma qeydə alınıb. Rəsmi Nyu-Dehli idxal kömüründən asılılığı minimuma endirməyi strateji hədəf seçib və cari ildə elektrik enerjisi istehsalında xarici kömürün payını ən azı 30% azaltmağı planlaşdırır.
Ölkədə anomal istilər səbəbindən ümumi elektrik enerjisinə tələbat artsa da, daxili hasilatın sürətlənməsi və yaşıl enerjiyə keçid idxal ehtiyacını arxa plana keçirib (Yanvar-May statistikası):
Hindistanın kömür idxalını kəskin azaltması qlobal kömür birjalarında qiymətlərin korreksiyasına (enməsinə) səbəb ola bilər, çünki ən böyük alıcılardan birinin tələbi zəifləyir. Eyni zamanda, ölkədə bərpa olunan enerjinin 22% artması İndiyanın qlobal iqlim öhdəliklərinə sadiqliyini nümayiş etdirsə də, may ayında termal (kömür) stansiyaların da 10% artması göstərir ki, yaşıl enerji hələ də ölkənin pik temperatur zamanı yaranan nəhəng elektrik yükünü təkbaşına daşımaq iqtidarında deyil və "baza generatorda" kömürün çəkisi strateji olaraq qalmaqdadır.
MONETAR.AZ
