ABŞ Prezidenti Donald Tramp bildirib ki, İrana qarşı gedən müharibə fonunda neft qiymətlərinin artması ilə bağlı “hər vəziyyət üçün planı var”. O, CNBC-ə verdiyi açıqlamada qeyd edib ki, “İran neftinin ələ keçirilməsi barədə danışmaq hələ tezdir”, lakin bunu istisna etmir.
Tramp NBC News-a verdiyi telefon müsahibəsində həmçinin İranda yeni lider, Texas Senatı seçkiləri və “Amerikanı xilas qanunu”nun Konqresdə qəbul edilməsinə dair mövqeyini şərh edib.
Donald Tramp New York Post-a müsahibəsində deyib: “Hər vəziyyət üçün planım var.” O həmçinin benzin qiymətlərinin artması ilə bağlı narahatlıqları aradan qaldırmaq üçün tədbirlər görəcəyini bildirib. Prezident neftin 100 dollar səviyyəsini “ödəməli olduğumuz kiçik bir qiymət” adlandırıb və əlavə edib ki, “İranın nüvə təhdidi aradan qaldırıldıqda qiymət sürətlə düşəcək.”
MONETAR.AZ
