Azərbaycanın maliyyə imkanları və strateji valyuta ehtiyatlarında əhəmiyyətli artım qeydə alınıb. Dövlət Statistika Komitəsinin son hesabatına istinadən yayılan məlumatlara görə, bu il aprelin 1-nə ölkənin strateji valyuta ehtiyatları 85 milyard 151,1 milyon ABŞ dolları təşkil edib.
Bu göstərici Azərbaycanın "maliyyə yastığı"nın sürətlə böyüdüyünü nümayiş etdirir. Belə ki, ehtiyatların həcmi 2025-ci ilin eyni dövrü ilə müqayisədə 15,9 % artıb.
Strateji ehtiyatların mühüm tərkib hissəsi olan Azərbaycan Mərkəzi Bankının (AMB) aktivlərində də artım meyli müşahidə olunur. Hesabat dövrünə olan məlumata əsasən: AMB-nin valyuta ehtiyatları 11 milyard 656,8 milyon ABŞ dolları təşkil edib ki, bu da son 1 il ərzində 5,7 % artım deməkdir.
Valyuta ehtiyatlarının bu səviyyədə artması ölkənin makroiqtisadi sabitliyinin qorunması, manatın məzənnəsinin dəstəklənməsi və xarici iqtisadi şoklara qarşı dayanıqlığın artırılması baxımından strateji əhəmiyyət kəsb edir.
MONETAR.AZ
