Azərbaycanın xarici dövlət borcunun həcmində növbəti azalma qeydə alınıb. Dövlət Statistika Komitəsinin hesabatına istinadən yayılan məlumatlara görə, bu il aprelin 1-nə ölkənin xarici dövlət borcu 4 milyard 689,3 milyon ABŞ dolları təşkil edib.
Cari ilin ilk rübünün sonuna olan rəqəmlər 2025-ci ilin eyni dövrü ilə müqayisədə 7,5 % daha azdır. Bu göstərici Azərbaycanın xarici maliyyə öhdəliklərinin optimallaşdırılması və borc yükünün azaldılması istiqamətindəki meyillərin davam etdiyini göstərir.
Qeyd edək ki, xarici dövlət borcunun mütəmadi olaraq aşağı düşməsi ölkənin beynəlxalq maliyyə dayanıqlığını gücləndirməklə yanaşı, dövlət büdcəsinin borca xidmət xərclərinin də azalmasına şərait yaradır. Bu dinamika hökumətin strateji borc idarəetmə planına uyğun olaraq, xarici borcun Ümumi Daxili Məhsuldakı (ÜDM) payının aşağı səviyyədə saxlanılması hədəfinə xidmət edir.
MONETAR.AZ
