İyunun 1-dən etibarən Bakı şəhərinin ictimai nəqliyyat sistemində sərnişindaşıma keyfiyyətinin yüksəldilməsi məqsədilə 161 və 162 nömrəli müntəzəm avtobus marşrutları üzrə yeni və müasir nəqliyyat vasitələri sərnişinlərin istifadəsinə verilib.
Azərbaycan Yerüstü Nəqliyyat Agentliyinin (AYNA) yaydığı rəsmi məlumata əsasən, yenilənən marşrutlar paytaxtın əsasən şəhərətrafı qəsəbə və yaşayış massivlərini birləşdirir:
-
161 nömrəli marşrut: Hövsan qəsəbəsi ilə Suraxanı qəsəbəsi arasında sərnişindaşımanı həyata keçirir.
-
162 nömrəli marşrut: Ramana yaşayış kompleksindən hərəkətə başlayaraq "Koroğlu" metrostansiyası istiqamətində fəaliyyət göstərir.
Yeni avtobusların xəttə buraxılması sərnişinlərin dayanacaqlarda gözləmə müddətini əhəmiyyətli dərəcədə azaldacaq. Xətt üzrə yeni avtobuslar 9–10 dəqiqəlik sıx intervalla fəaliyyət göstərəcək.
Bu yenilik sözügedən marşrutlar üzrə sərnişin sıxlığının tənzimlənməsinə, sakinlərin mənzil başına daha rahat, müasir standartlara cavab verən və təhlükəsiz nəqliyyat vasitələri ilə vaxtında çatdırılmasına şərait yaradacaq.
