Bitcoin bugün artaraq 72 min dollar həddini keçib. Kriptovalyuta bazarlarında ABŞ ilə İran arasında mümkün atəşkəs danışıqları ərəfəsində ehtiyatlı optimizm müşahidə olunur.
Dünyanın ən böyük kriptovalyutası gün ərzində 1,6% bahalaşaraq 72 159 dollar səviyyəsinə yüksəlib. Həftəlik artım isə təxminən 7,3% təşkil edir ki, bu da risk iştahının artması ilə əlaqələndirilir.
Eyni zamanda investorlar ABŞ-da açıqlanacaq inflyasiya göstəricilərini gözlədikləri üçün bazarda müəyyən ehtiyatlılıq qalır.
Bitcoin üçün əlavə dəstək amillərindən biri də ABŞ-da kriptovalyutaların daha müsbət tənzimlənməsi ilə bağlı gözləntilərdir. Bununla belə, CLARITY Act qanununun qəbulunun hələ uzaq perspektivdə olduğu bildirilir.
MONETAR.AZ
