Yeni analitik hesabatlara əsasən, Avropa İttifaqı 2030-cu il üçün nəzərdə tutulan rəqəmsal bacarıqlar hədəfinə çatmaqda çətinlik çəkir. Məqsədə görə əhalinin 80 faizinin əsas rəqəmsal bacarıqlara sahib olması nəzərdə tutulsa da, hazırkı dinamika bu hədəfdən uzaqlaşdığını göstərir.
Avropa İttifaqı üzrə orta göstərici 2025-ci ildə 55,6 faiz səviyyəsində olub. Bu isə 2030 hədəfinə çatmaq üçün inkişaf tempinin təxminən 9 dəfə sürətlənməsini tələb edir.
Bəzi ölkələrdə müsbət dinamika müşahidə olunsa da, ümumi mənzərə qeyri-bərabərdir. Məsələn, Macarıstan və Çexiya rəqəmsal bacarıqlarda ən yüksək artım göstərən ölkələr sırasında yer alır.
Niderland və Finlandiya kimi ölkələr 80 faizə yaxın göstərici ilə liderliyini qoruyur. Bununla belə, Rumıniya və Bolqarıstan ən aşağı göstəricilərə malik ölkələr olaraq qalır.
Hesabata görə 2022–2025-ci illər arasında 10 Avropa ölkəsində rəqəmsal bacarıqların azalması qeydə alınıb. Bu isə region daxilində inkişafın bərabər getmədiyini göstərir.
Ekspertlər bildirirlər ki, rəqəmsal bacarıqların zəif inkişafı əmək bazarı və dövlət xidmətlərinə çıxışda problemlər yarada bilər. Hazırda Avropa rəqəmsal transformasiyada “qeyri-bərabər irəliləyiş” mərhələsində qiymətləndirilir.
MONETAR.AZ
