Qazaxıstanda cari il üçün minimum əməkhaqqı dəyişdirilmədən saxlanılıb və hazırda 85 min tengə (təxminən 174 ABŞ dolları) təşkil edir. Hökumət növbəti il üçün artım qərarını təsdiqləyir. Yeni rəqəmlərin formalaşması və büdcə imkanlarının dəqiqləşdirilməsi üçün avqustun 1-i əsas marker rolunu oynayacaq. Milli Bank inflyasiya və ya kəskin istehlak tələbi riski görmür. Minimum əməkhaqqı 100-120 min tengəyə çatsa belə, bu, ölkədəki real iqtisadi dinamikanı dəyişməyəcək.
Qazaxıstanın bu addımı bütövlükdə makroiqtisadi dönüş yaratmaqdan daha çox, sosial balansın qorunmasına yönəlmiş texniki tənzimləmə xarakteri daşıyır. Milli Bankın rahat mövqeyi də onu göstərir ki, Astana gəlirlərin leqallaşdırılması və aşağı gəlirli təbəqənin minimum ehtiyaclarının indeksasiyası modelini seçib, çünki ölkə iqtisadiyyatının əsas hərəkətverici qüvvəsi artıq bu minimum limitlərdən çox irəlidə formalaşır.
MONETAR.AZ
