Dövlət İmtahan Mərkəzi (DİM) tərəfindən 16 iyul 2026-cı il tarixində dövlət qulluğu vəzifələrinin A növü (inzibati rəhbər – AB, AC qrupları) və B növü (inzibati icraçı – BA, BB qrupları) üzrə növbəti test imtahanları keçiriləcək. İmtahanda iştirak etmək istəyən namizədlər üçün qeydiyyat pəncərəsi məhdud zaman kəsiyini əhatə edir.
Qeydiyyat prosesinin vaxt qrafiki rəsmi olaraq aşağıdakı şəkildə müəyyən edilib. Bu tarixlərdən kənarda hər hansı bir müraciət qəbul olunmayacaq.
İmtahanda iştirak etmək istəyən namizədlərin qeydiyyatı 16 iyun saat 11:00-dan etibarən aktiv ediləcək və 1 iyul saat 18:00-dək aparılacaq.
İmtahana uğurla qeydiyyatdan keçmək üçün namizədlər DİM-in rəsmi elektron platformasında aşağıdakı texniki ardıcıllığı yerinə yetirməlidirlər:
-
"Şəxsi kabinet"in açılması: DİM-in portalında şəxsi kabineti olmayan namizədlər ilk növbədə özlərinə profil yaratmalıdırlar. Bu zaman sistem tərəfindən avtomatik olaraq namizədə məxsus fərdi pul hesabı formalaşır.
-
Balansın artırılması: İmtahan qrupuna uyğun müəyyən edilmiş rəsmi tarif məbləği (öləniş şərtləri ilə portalda tanış olmaq mümkündür) müxtəlif onlayn ödəniş üsulları ilə şəxsi kabinetdəki hesaba daxil edilməlidir.
-
Onlayn qeydiyyatın təsdiqi: Hesaba lazımi vəsait oturduqdan sonra namizəd mütləq şəkildə “Dövlət qulluğuna qəbul üzrə test imtahanında iştirak etmək üçün onlayn qeydiyyat” xidmətinə daxil olaraq öz müraciətini rəsmiləşdirməli və prosesi tamamlamalıdır (təkcə hesaba pul yükləmək qeydiyyatdan keçmək sayılmır).
Qeydiyyat zamanı seçdiyiniz vəzifə qrupuna (A və ya B növü) diqqət yetirin. Hər bir qrupun test proqramı, sual sayı və keçid balları qanunvericiliyə uyğun olaraq fərqlənir. Sənəd qəbulunun son günlərində sistemdə yarana biləcək yüklənməni nəzərə alaraq, qeydiyyatınızı son günə saxlamamağınız tövsiyə olunur.
