Qlobal enerji bazarında tektonik dəyişikliklər baş verir. Reuters agentliyinin keçirdiyi son sorğuya əsasən, OPEC-in neft hasilatı may ayında son iyirmi ildən artıq müddətin (2000-ci ildən bəri) ən aşağı səviyyəsinə geriləyib. Geopolitik gərginliyin pik həddə çatması fonunda kartelin gündəlik istehsal həcmi hətta 2020-ci ilin pandemiyası dövründəki tarixi qapanmalardan belə aşağı düşüb.
Bu kəskin azalmanın arxasında ABŞ-ın dəniz blokadası və Tehranın regiondakı cavab addımları dayanır. Vaşinqtonun başlatdığı dəniz blokadası İranın xam neft və kondensat ixracını son altı ilin ən aşağı səviyyəsinə endirir. Bu, kartel daxilində may ayı üzrə ən böyük hasilat itkisinə səbəb olur.
OPEC-in hasilatının 16,13 milyon barelə enməsi təkcə statistik geriləmə deyil, qlobal enerji xəritəsinin yenidən çəkilməsidir. BƏƏ-nin gedişi və Körfəzdəki dəniz blokadası kartelin dünya bazarındakı hegemonluğunu zəiflətsə də, yaranan bu süni qıtlıq yaxın dövrdə qlobal neft qiymətlərində ciddi dalğalanmalara və digər qeyri-OPEC istehsalçılarının (məsələn, ABŞ və Braziliya) mövqelərinin güclənməsinə yol açacaq.
MONETAR.AZ
