Dünya bazarında buğdanın qiyməti 1 buşel üçün 7,30 ABŞ dolları ətrafında dəyişir. Qiymət avqustun 28-də qeydə alınmış 7,67 dollarlıq 3,5 illik maksimumdan aşağıda qalır.
Monetar.az xəbər verir ki, bazarda qiymətlərə Rusiya-Ukrayna müharibəsi ilə bağlı son proseslər və münaqişənin diplomatik yolla başa çatdırılması istiqamətində aparılan danışıqlar təsir göstərir.
ABŞ Kənd Təsərrüfatı Nazirliyinin (USDA) son hesabatında qlobal buğda ehtiyatlarının gözləntilərdən bir qədər yüksək göstərilməsi də qiymətlərin artımını məhdudlaşdırıb. Bu, yüksək qiymətlərdən qazanc götürmək istəyən investorların satışlarını artırmasına səbəb olub.
Bununla yanaşı, USDA 2026/2027 mövsümü üzrə Rusiya və Ukraynanın buğda ixracı proqnozunu aşağı salıb. Rusiyanın ixracının 3 milyon ton azaldılaraq 43 milyon tona, Ukraynanın ixracının isə 1 milyon ton azaldılaraq 12,5 milyon tona çatacağı gözlənilir.
Qara dəniz regionunda gəmiçiliklə bağlı hücumların artması da buğda tədarükü ilə bağlı narahatlıqları gücləndirib. Rusiyanın dəniz yolu ilə taxıl ixracı avqust ayında illik ifadədə 61,9 faiz azalaraq 2 milyon tona düşüb. Azov və Qara dəniz limanlarından daşınmalar isə 73,1 faiz azalaraq 1,3 milyon ton təşkil edib.
