Qlobal lüks moda nəhəngi Ralph Lauren, 28 mart 2026-cı ildə başa çatan dördüncü rüb və bütövlükdə 2026-cı maliyyə ili üzrə analitik proqnozlarını alt-üst edən rekord maliyyə hesabatı yayımlayıb. Şirkətin endirimsiz, tam qiymətlə (full-price) satışlara fokuslanması, Asiya və Avropadakı güclü tələb və rəqəmsal ekosistemin inkişafı birja investorları tərəfindən böyük coşqu ilə qarşılanıb. Hesabatın ardınca şirkətin səhmləri premarket (bazar açılışından əvvəlki) ticarətdə təxminən 10% bahalaşıb.
Şirkət həm gəlir, həm də xalis mənfəət tərəfində Wall Street gözləntilərini əhəmiyyətli dərəcədə üstələyib. Ötən ilin eyni dövrü ilə müqayisədə 17% artaraq 2 milyard dollara çatıb. Səhm üzrə düzəldilmiş mənfəət (EPS): $2.80 təşkil edərək analitiklərin proqnozlarını xeyli geridə qoyub. 2026 maliyyə ilində şirkətin ümumi gəlirləri tarixdə ilk dəfə 8 milyard dollar həddini aşıb. Lüks brendin qlobal şəbəkə üzrə həm fiziki mağazalarında, həm də onlayn (e-ticarət) platformalarında müqayisəli satışlar artım göstərib.
Şirkətin prezidenti və baş icraçı direktoru (CEO) Patrice Louvet nəticələri şərh edərək qeyd edib ki, bu uğur şirkətin "Next Great Chapter: Drive" adlı uzunmüddətli strateji planının ilk ilində əldə olunub. İcraçı direktor gələcək hədəfləri barədə bunları bildirib: "Dinamik və qeyri-müəyyən qlobal mühitə baxmayaraq, 2026 maliyyə ilində bütün öhdəliklərimizi yerinə yetirdik. 2027 maliyyə ilinə də inamla addımlayırıq. Bu inamın arxasında motivasiyalı komandamız, süni intellekt (AI) və yeni texnologiyaların tətbiqi, əməliyyat intizamı və güclü balans göstəricilərimiz dayanır."
Sabit valyuta məzənnələri əsasında illik gəlirlərin 4–5% (orta təkrəqəmli tempdə) artacağı gözlənilir. Şirkət cari maliyyə ilinin ilk rübündə gəlirlərin orta və ya yüksək təkrəqəmli templə artacağını proqnozlaşdırır.
Ralph Lauren-in hesabatı göstərir ki, Şimali Amerikadakı müəyyən durğunluğa rəqib olan Asiya və Avropa bazarları lüks sektorunu qidalandırmağa davam edir. Şirkətin endirim siyasətindən qaçaraq tam qiymət strategiyasına keçməsi brend dəyərini və mənfəətliliyi qoruyan ən düzgün addım olub.
MONETAR.AZ
