Azal Tehran və Təbrizə
ABŞ-dan gələn xəbər neft bazarını hərəkətə gətirdi
7 Avqust 2025
08:45
Neftin qiyməti 5 gün davam edən enişdən sonra cümə axşamı günü yenidən yüksəlməyə başladı.
Bu artımın əsas səbəbi dünyada ən çox neft istehlak edən ölkə olan ABŞ-da tələbatın sabit qalması ilə bağlı yaranan ümidlərdir.
Brent neftinin bir barelinin qiyməti 0,3% artaraq 67,09 dollara, ABŞ (WTI) neftinin bir barelinin qiyməti isə 0,3% artaraq 64,57 dollara yüksəldi.
Lakin Rusiya ilə ABŞ arasında Ukrayna müharibəsi ilə bağlı danışıqların ola biləcəyi ehtimalı bazarda qeyri-müəyyənlik yaradır. Danışıqların uğurlu nəticələnməsi neft təchizatında yaranacaq problemlərin qarşısını ala bilər.
Ağ Evdən verilən məlumata görə ABŞ Prezidenti Donald Tramp yaxın həftələrdə Rusiya Prezidenti Vladimir Putin ilə görüşə bilər. Digər tərəfdən ABŞ Rusiyaya qarşı əlavə sanksiyalar tətbiq etməyə hazırlaşır ki, bu da bazarda gərginliyi artırır.
MONETAR.AZ
