Cari ilin yanvar–mart aylarında Gürcüstan Azərbaycandan neft və neft məhsullarının idxalını əhəmiyyətli dərəcədə artırıb. Bu dövrdə ölkə 22,1 milyon ABŞ dolları dəyərində 31 177 ton xammal idxal edib.
Gürcüstanın Milli Statistika Xidmətinin məlumatına görə, bu göstərici ötən ilin eyni dövrü ilə müqayisədə dörd dəfə çoxdur.
Tədarük həcmlərinin artması nəticəsində Azərbaycan Gürcüstan bazarına neft və neft məhsulları ixrac edən ölkələr arasında beşinci yeri tutub.
Ümumilikdə, 2026-cı ilin ilk üç ayında Gürcüstan 339 milyon ABŞ dolları dəyərində 451 min ton neft və neft məhsulları idxal edib ki, bu da ötən illə müqayisədə həcm baxımından 12%, dəyər ifadəsində isə 13% artım deməkdir.
