OPEC+ ölkələrinin Birgə Monitorinq Komitəsinə (JMMC) daxil olan nazirlər aprelin 5-də planlaşdırılmış onlayn iclas keçirəcəklər. Görüşün başlanğıcı Bakı vaxtı ilə saat 16:00-a təyin olunub.
Bu iclas hər iki aydan bir keçirilir. Komitə qlobal neft bazarındakı vəziyyəti, iştirakçı ölkələrin razılaşmaya əməl etmə səviyyəsini qiymətləndirir və zərurət olduqda kvotaların dəyişdirilməsi və ya bütün OPEC+ ölkələrinin tam tərkibli görüşünün çağırılması ilə bağlı tövsiyələr verə bilər.
Komitə iclasından sonra alyansın əlavə könüllü hasilat azaldılmasında iştirak edən səkkiz ölkənin nazirləri ayrıca müzakirə aparacaqlar. Bu ölkələrə Rusiya, Səudiyyə Ərəbistanı, Qazaxıstan, Oman, İraq, Birləşmiş Ərəb Əmirlikləri, Küveyt və Əlcəzair daxildir.
Bu “səkkizlik” formatında iclaslar hər ay keçirilir və əsas diqqət hasilatın könüllü məhdudlaşdırılması üzrə öhdəliklərin koordinasiyasına yönəlir.
MONETAR.AZ
