FED ilin sonunadək faiz dərəcəsini yenidən artıra bilər

FED ilin sonunadək faiz dərəcəsini

ABŞ Federal Ehtiyat Sisteminin (FED) rəsmiləri ilin sonunadək uçot dərəcəsinin yenidən artırılmasını məqsədəuyğun hesab edirlər.

Monetar.az xəbər verir ki, bu barədə FED-in 15–16 sentyabr 2026-cı il tarixlərində keçirilən Federal Açıq Bazar Komitəsinin (FOMC) iclasının protokolunda bildirilib.

Protokola əsasən, FED rəsmilərinin əksəriyyəti federal fondlar üzrə hədəf faiz dərəcəsinin ilin sonuna qədər daha bir dəfə artırılmasını uyğun hesab edib. Bununla belə, rəsmilər qarşıdakı qərarların əvvəlcədən müəyyən edilmədiyini və iqtisadi göstəricilərdən asılı olacağını vurğulayıblar.

Sentyabr iclasında bütün iştirakçılar faiz dərəcəsinin 0,25 faiz bəndi artırılaraq 3,75-4% səviyyəsinə çatdırılmasını dəstəkləyiblər.

FED rəsmiləri ABŞ-da inflyasiyanın hələ də yüksək olaraq qaldığını, əmək bazarının isə tam məşğulluğa yaxın olduğunu bildiriblər. İqtisadi fəallığın da sabit tempdə genişləndiyi qeyd olunub.

Protokola görə, demək olar ki, bütün iştirakçılar inflyasiya ilə bağlı risklərin daha çox yuxarı istiqamətdə olduğunu, əmək bazarına dair risklərin isə azaldığını və hazırda əsasən balanslı vəziyyətdə olduğunu hesab ediblər.