İqtisadiyyat Nazirliyi yanında Əmlak Məsələləri Dövlət Xidməti tərəfindən 3 iyun 2026-cı il tarixində saat 15:00-da bələdiyyə torpaqları üzrə növbəti hərraclar təşkil olunacaq.
Hərraclara ölkənin müxtəlif bölgələrində yerləşən 11 torpaq sahəsi çıxarılıb. Torpaqlar sahibkarlıq, əkinçilik və heyvandarlıq məqsədləri üçün satışa və ya uzunmüddətli icarəyə təqdim edilir.
Hərraca çıxarılan torpaq sahələri aşağıdakılardır:
- Salyan şəhərində yerləşən 100 kvadratmetr torpaq sahəsi sahibkarlıq fəaliyyəti üçün satışa çıxarılıb.
- Sabirabad rayonunun Əhmədabad kəndində 9 900 kvadratmetr əkin təyinatlı torpaq sahəsi 15 il müddətinə icarəyə verilir.
- Hacıqabul rayonunun Abdulabad kəndində yerləşən 4,8 hektar örüş sahəsi heyvandarlıq məqsədilə 15 illik icarəyə təqdim olunur.
- Ağdaş rayonunun Aşağı Ləki kəndində 13,5 hektar əkin sahəsi kənd təsərrüfatı məhsullarının istehsalı üçün icarəyə çıxarılıb.
- Astara şəhərində yerləşən 4 260 kvadratmetr əkin sahəsi 15 il müddətinə icarəyə verilir.
- Kürdəmir rayonunun Böyük Kəngərli kəndində 4,45 hektar əkin təyinatlı torpaq sahəsi kənd təsərrüfatı fəaliyyəti üçün təklif olunur.
- Ucar rayonunun Yuxarı Çiyni kəndində yerləşən 10 hektar əkin sahəsi 15 il müddətinə icarəyə çıxarılıb.
- Həmin kənddə yerləşən digər 4 hektar əkin sahəsi də kənd təsərrüfatı məhsullarının istehsalı məqsədilə icarəyə verilir.
- Ağstafa rayonunun Muğanlı kəndində 15 hektar örüş sahəsi heyvandarlıq fəaliyyəti üçün hərraca çıxarılıb.
- Qax rayonunun Ağyazı kəndində yerləşən 10 hektar əkin sahəsi kənd təsərrüfatı məhsullarının istehsalı üçün icarəyə təqdim olunur.
- Eyni kənddə yerləşən 12 hektar əkin sahəsi də 15 il müddətinə icarəyə verilir.
MONETAR.AZ
