Azərbaycan Respublikasının Mərkəzi Bankı nəqliyyat vasitəsinin satın alınması ilə bağlı açıq tender elan edib.
Tender elanına əsasən, layihənin ehtimal olunan dəyəri 71 min 850,5 manat təşkil edir.
Müsabiqənin sifarişçisi Azərbaycan Respublikasının Mərkəzi Bankıdır. Satınalma sənədlərində bildirilib ki, alınacaq nəqliyyat vasitəsinin texniki xüsusiyyətləri və digər tələblər şərtlər toplusunda ətraflı göstərilib.
Tender üzrə satınalma predmeti "Təhlükəsizlik və xilasetmə maşınları" təsnifat kodu altında qeydə alınıb. Müsabiqə çərçivəsində bir ədəd xüsusi təyinatlı nəqliyyat vasitəsinin alınması nəzərdə tutulur.
Müsabiqə haqqında elan iyunun 4-də dərc olunub. Potensial iştirakçılar öz təkliflərini 30 iyun 2026-cı il saat 17:00-dək təqdim edə bilərlər. Zərflərin açılışı da həmin gün və saatda həyata keçiriləcək.
Qeyd edək ki, dövlət qurumları tərəfindən xüsusi təyinatlı nəqliyyat vasitələrinin alınması təhlükəsizlik, inkassasiya, fövqəladə hallara operativ reaksiya və digər xidmətlərin fasiləsiz təşkili məqsədilə həyata keçirilir.
MONETAR.AZ
