İlkin qiymətləndirmələrə görə, Polşa-da 2026-cı ilin yanvar ayında inflyasiya illik ifadədə 2,2%-ə çatıb və bazar konsensusunu, eləcə də analitiklərin proqnozlarını üstələyib. Məlumatlar ötən cümə günü açıqlanıb.
Aylıq ifadədə inflyasiya 0,6% artıb ki, bu da bəzi proqnozlarda gözlənilən 0,5%-dən bir qədər yüksəkdir.
Ərzaq qiymətləri inflyasiyanın əsas hərəkətverici amili olub: yanvar ayında 1,3% bahalaşma qeydə alınıb. İllik müqayisədə isə ərzaq qiymətləri 2025-ci ilin yanvarı ilə müqayisədə 2,4% artıb.
Enerji daşıyıcılarının qiymətləri də əsasən yanvar ayında həyata keçirilən illik qiymət yenilənməsi səbəbindən aylıq 1,9% yüksəlib. Bu artım “Mənzil” kateqoriyasında inflyasiyanın ay ərzində 1,3% artmasına gətirib çıxarıb ki, bu da illik ifadədə 2,9% deməkdir.
Polşada istehlak səbətinin illik yenidən baxılması 13 mart tarixinə planlaşdırılıb. Həmin gün yanvar ayı üzrə inflyasiyanın yekun göstəriciləri açıqlanacaq.
MONETAR.AZ
