Bugün qızılın qiymətləri ucuzlaşıb. Buna səbəb ABŞ və İran arasında atəşkəslə bağlı danışıqların böyük ölçüdə uğursuz nəticələnməsi fonunda dolların möhkəmlənməsi olub. Bu vəziyyət investorların “təhlükəsiz liman” kimi dollara yönəlməsinə gətirib çıxarıb.
Qiymətli metal üzərində əlavə təzyiqi ABŞ-da açıqlanan güclü istehlak qiymətləri indeksi (CPI) məlumatları yaradıb. Bu göstəricilər Federal Reserve tərəfindən yaxın perspektivdə faiz dərəcələrinin endirilməsi ehtimalını daha da azaldıb.
Son məlumatlara görə, qızılın spot qiyməti 0,6% azalaraq bir unsiya üçün 4 720,67 dollara düşüb. Qızıl fyuçersləri isə 0,9% enərək 4 743,20 dollar səviyyəsinə geriləyib.
Digər qiymətli metallar da ucuzlaşıb: platinin spot qiyməti bir qədər azalaraq 2 047,06 dollara, gümüşün spot qiyməti isə təxminən 2% düşərək 74,3975 dollara enib.
MONETAR.AZ
