Qlobal maliyyə bazarlarında həm kriptovalyutalar, həm də əmtəə sektorunda qiymət dəyişiklikləri müşahidə olunub.
Kriptovalyuta bazarında Bitcoin son 24 saat ərzində 2,17% bahalaşıb. Digər əsas aktivlərdən Ether 1,75%, Binance Coin isə 1,39% artım göstərib.
Kənd təsərrüfatı məhsulları arasında ən yüksək artım kakao üzrə qeydə alınıb – qiymətlər 8,57% yüksəlib. Bundan əlavə, düyü 4,70%, şəkər isə 2,41% artıb. Bu seqmentdə yeganə ucuzlaşma pambıq üzrə olub – 1,62% azalma qeydə alınıb.
Metallar bazarında isə eniş tendensiyası üstünlük təşkil edib. Gümüş 3,24%, platin 2,51%, mis 2,12%, qızıl isə 2,05% dəyər itirib.
Enerji bazarında isə əksinə, artım müşahidə olunub. Avropa üzrə təbii qaz qiymətləri 6,28% yüksəlib. Brent markalı neft 4,76%, benzin 3,60%, WTI nefti isə 3,01% bahalaşıb. Bu kateqoriyada yalnız Böyük Britaniya üzrə təbii qaz qiymətləri 1,68% azalıb.
MONETAR.AZ
