Şirkətin məlumatına görə, yanvar–mart dövründə ümumi avtomobil satışları 360 106 ədəd təşkil edib.
Alman avtomobil istehsalçısının ən böyük bazarı olan Çində tədarüklər 12% azalaraq 127 109 avtomobilə düşüb. Şirkət bu geriləməni qlobal avtomobil sektorunda yavaşlama, Çində dövlət subsidiyalarının başa çatması və model sırasının yenilənməsi ilə izah edib.
Şimali Amerika bazarında da satışlar kəskin şəkildə 27% azalaraq 35 464 avtomobil olub. Audi bu azalmaya ABŞ-ın 2025-ci ilin aprelində tətbiq etdiyi idxal rüsumları və tənzimləyici dəyişikliklərin təsir etdiyini bildirib.
Avropada isə əks tendensiya müşahidə olunub: satışlar 5,9% artaraq 123 724 vahidə yüksəlib.
Digər xarici və inkişaf etməkdə olan bazarlarda satışlar 6,3% azalaraq 23 501 avtomobil təşkil edib. Şirkət Yaxın Şərq və İsraildə tələbin azalmasını İran müharibəsi ilə əlaqələndirib.
Rüblük nəticələr Audinin ABŞ bazarındakı üç aylıq satış performansını da əhatə edir və 31 martda başa çatan dövrü əks etdirir.
MONETAR.AZ
