Samsung şirkəti bildirib ki, smartfonlarında əsas fərqləndirici xüsusiyyət vertikal yerləşdirilmiş əsas kameradır. Bu barədə şirkət nümayəndələrinin açıqlamalarını 9to5Google nəşri sitat gətirib.
Media ilə söhbət zamanı şirkətin vitse-prezidenti Lee Il-hwan qeyd edib ki, şaquli istiqamətdə yerləşdirilmiş əsas kamera telefon seriyasının əsas elementi hesab olunur. Həmçinin şirkət təsdiqləyib ki, bütün modellər yuvarlaq künclərlə hazırlanır.
Jurnalistlər vurğulayıblar ki, Samsung demək olar ki, bütün cihazlarında vahid dizayn yanaşması tətbiq edən nadir istehsalçılardandır. 9to5Google-un müəlliflərinə görə, bu xüsusiyyət bir tərəfdən mühüm üstünlük olsa da, digər tərəfdən mənfi cəhət kimi də qiymətləndirilə bilər.
Nəşrin redaktoru Vill Sattelberq bildirib ki, bahalı flaqman smartfonların daha ucuz modellərdən fərqlənməsini istərdi, lakin Samsung cihazlarında bu fərq kifayət qədər hiss olunmur. Bununla belə, o qeyd edib ki, gələcəkdə vertikal kamera dizaynı unikal və hətta “ikonik” xüsusiyyətə çevrilə bilər.
Sonda qeyd olunur ki, insayder Majin Bu yaxınlarda ilk qatlanan Apple iPhone modelinin kitab formasında, kompakt ölçüdə olacağını və sentyabr ayında təqdim ediləcəyini iddia edib. Bu cihazın həmçinin A20 Pro adlı flaqman prosessorla işləyəcəyi gözlənilir.
MONETAR.AZ
