Bu ilin yanvar-avqust aylarında Azərbaycandan 181,6 min ton neft koksu ixrac edilib. Bu, ötən ilin eyni dövrü ilə müqayisədə 45,1 faiz çoxdur.
Dövlət Gömrük Komitəsinin məlumatına görə, hesabat dövründə ixrac olunan neft koksunun ümumi dəyəri 72 milyon 276,65 min dollar təşkil edib. Bu göstərici illik müqayisədə 88,5 faiz artıb.
Ötən ilin yanvar-avqust aylarında isə Azərbaycandan 125,2 min ton neft koksu ixrac olunub. Həmin məhsulun dəyəri 38 milyon 337,15 min dollar olub.
Beləliklə, bir il ərzində neft koksu ixracının həm fiziki həcmi, həm də ümumi dəyəri əhəmiyyətli dərəcədə yüksəlib.
