Bu gün aparılacaq təmir işləri ilə əlaqədar Bakının bir neçə küçə və yol sahəsində nəqliyyat vasitələrinin hərəkəti müvəqqəti məhdudlaşdırılacaq.
Bu barədə Azərbaycan Avtomobil Yolları Dövlət Agentliyi məlumat yayıb.
Agentlik sürücülərə təmir işləri aparılan müddətdə alternativ marşrutlardan istifadə etməyi, həmçinin ərazidə quraşdırılmış müvəqqəti yol nişanlarının tələblərinə ciddi əməl etməyi tövsiyə edir.
Təmir işlərinin aparılacağı ərazilər aşağıdakılardır:
- Mikayıl Əliyev küçəsi ilə Kamil Balakişiyev küçəsi arasında yerləşən avtomobil yolu – 2 sentyabr saat 09:00-dan;
- Kamil Balakişiyev küçəsinin Rüstəm Rüstəmov küçəsi ilə kəsişməsindən 61 nömrəli məktəbədək olan hissəsi – 2 sentyabr saat 10:00-dan;
- Xətai rayonu, Abdulla Rəhimov küçəsi – 3 sentyabr saat 08:00-dan.
Sürücülərdən hərəkətlərini əvvəlcədən planlaşdırmaları və mümkün sıxlığın qarşısını almaq üçün alternativ yollara üstünlük vermələri xahiş olunur.
