“Citi”nin məlumatına görə, “LG Electronics” son biznes seminarında süni intellekt (Sİ) məlumat emalı mərkəzləri (MHM) üçün soyutma sistemləri bazarında fəaliyyətini genişləndirmək planlarını təqdim edib.
Şirkət ənənəvi çiller və hava soyutma sistemləri ilə məhdudlaşmayaraq, məhsul portfelinə rəf (rack) səviyyəli həlləri, xüsusilə soyuducu agentin paylanması bloklarını və soyuq lövhələri əlavə edir.
2026-cı ilin birinci yarısının yekunlarına görə, elektronika istehsalçısı Sİ məlumat mərkəzləri üçün soyutma avadanlığı, əsasən çiller və hava soyutma sistemləri üzrə təxminən 600 milyard von dəyərində sifariş əldə edib.
“LG Electronics” 2026-cı ilin sonunadək daha bir neçə trilyon von dəyərində sifariş cəlb etməyə ümid edir.
Şirkət 600 kVt gücündə soyuducu agentin paylanması blokları üçün “NVIDIA” sertifikatı alıb və hazırda daha yüksək məhsuldarlığa malik modellər üzərində işləyir.
1 MVt gücündə qurğunun sertifikatlaşdırılmasının son mərhələsində olduğu, 2,5 MVt və 4 MVt gücündə modellərin isə 2026-cı ilin ikinci yarısında təqdim edilməsinin planlaşdırıldığı bildirilir.
“LG Electronics” Sİ məlumat mərkəzlərində rəflərin güc sıxlığının artması və istilik ayrılmasının sürətlənməsi fonunda maye soyutma sistemlərinin daha geniş yayılacağını gözləyir. Şirkət bunun rəf səviyyəli soyutma məhsullarından əldə olunan gəlirlərin artmasına imkan verəcəyini proqnozlaşdırır.
MONETAR.AZ
