Yeni subsidiya mexanizminə subtropik bitkilərin də daxil edilməsi gözlənilir
AZƏRTAC xəbər verir ki, bunu Aqrar Sığorta Fondunun İdarə Heyəti sədrinin müavini Ləman Alıyeva-Məmişova əkin və bağçılıq subsidiyası üzrə sığorta tələblərində edilən dəyişikliklərlə bağlı jurnalistlərə açıqlamasında deyib.
Onun sözlərinə görə, növbəti mərhələdə subsidiyalaşdırılan bitkilərin sayının artırılması, eləcə də ağac və kol sortlarının çeşidləndirilməsi planlaşdırılır.
“Hazırda mexanizmə daxil edilən bitkilər ölkə ərazisinin 90 faizindən çoxunu əhatə edir. Növbəti mərhələdə əsas təminat veriləcək bitkilər arasında subtropik bitkilərin – kivi, feyxua və sairənin, eləcə də bostan bitkilərinin daxil edilməsi ilə bağlı işlər layihədə nəzərdə tutulub”, – deyə sədr müavini bildirib.
Qeyd edək ki, 2026-cı il üzrə subsidiya mexanizmində kivi və bostan bitkiləri artıq müvafiq dəstək kateqoriyalarında nəzərə alınıb.
