Bitcoin həftənin sonuncu ticarət günündə bahalaşaraq həftə ərzində qeydə aldığı itkilərin böyük hissəsini geri qaytarıb. Kriptovalyuta bazarında artıma ABŞ Qiymətli Kağızlar və Birja Komissiyasının (SEC) tənzimləmə istiqamətində atdığı müsbət addımlar dəstək verib. Bu amil ABŞ Konqresində kriptovalyuta bazarını tənzimləməyə yönəlmiş “Clarity Act” qanun layihəsinin qəbul edilməməsinin yaratdığı mənfi təsiri qismən kompensasiya edib.
Ümumilikdə kriptovalyuta bazarında da müsbət dinamika müşahidə olunub. Neft qiymətlərinin və ABŞ dövlət istiqrazlarının gəlirliliyinin aşağı düşməsi investorların riskli aktivlərə marağını artırıb. Yaponiya Bankının monetar siyasətlə bağlı yumşaq mövqeyə işarə edən açıqlamaları da risk iştahının güclənməsinə əlavə stimul verib.
Bakı vaxtı ilə saat 10:17-yə olan məlumata görə, Bitcoinin qiyməti 1,4 faiz artaraq 77 560,9 dollara yüksəlib.
Beləliklə, dünyanın ən böyük kriptovalyutası həftə ərzindəki ilkin geriləmənin əsas hissəsini bərpa edib və həftəni demək olar ki, dəyişməz səviyyədə başa vurmağa yaxınlaşıb.
MONETAR.AZ
