Dünya əmtəə bazarlarında keçirilən son ticarət sessiyasında kənd təsərrüfatı, metal və enerji məhsulları üzrə qiymətlərdə fərqli dinamika müşahidə olunub.
Kənd təsərrüfatı məhsulları arasında ən yüksək artım qəhvədə qeydə alınıb. Qəhvənin qiyməti 8,77 faiz yüksəlib. Qarğıdalı 2,58 faiz bahalaşıb. Ən çox ucuzlaşan məhsullar isə düyü (2,89 faiz), raps (1,42 faiz) və kanola (1,17 faiz) olub.
Metal bazarında litium karbonatın qiyməti 3,13 faiz artaraq ən yüksək yüksəlişi göstərib. Gümüş 2,38 faiz, mis 1,59 faiz, qızıl isə 0,39 faiz bahalaşıb. Titanın qiyməti 2,06 faiz, platin isə 1,70 faiz azalıb.
Enerji bazarında da təbii qaz qiymətlərində artım müşahidə edilib. ABŞ təbii qazı 3,15 faiz, Avropa təbii qazı 2,44 faiz, Böyük Britaniya təbii qazı isə 2,26 faiz bahalaşıb. Eyni zamanda, metanolun qiyməti 2,79 faiz, WTI markalı xam neftin qiyməti 1,82 faiz, Brent markalı neft isə 1,27 faiz ucuzlaşıb.
MONETAR.AZ
