Qazaxıstan 2027-ci ildən etibarən Rusiya-dan elektrik enerjisi idxalını dayandırmağı planlaşdırır. Bu qərar ölkənin daxili enerji güclərinin artırılması ilə bağlıdır.
Bu barədə Qazaxıstanın energetika nazirinin müavini Sunqat Yesimxanov mətbuat konfransında məlumat verib.
Onun sözlərinə görə, əgər 2026-cı ilin sonu – 2027-ci ilin əvvəlində planlaşdırılan bütün enerji obyektləri istismara verilərsə, ölkə artıq xaricdən elektrik enerjisi almağa ehtiyac duymayacaq.
Qeyd edək ki, Qazaxıstan son illərdə daxili istehsal gücünün kifayət etməməsi səbəbindən hər il Rusiya-dan elektrik enerjisi idxal edib.
