Qlobal iqtisadiyyat 2026-cı ildə 126 trilyon dollarlıq həddə çataraq rekord səviyyəyə yüksəlir, lakin bu nəhəng həcm az sayda ölkədə ciddi şəkildə cəmlənib.
Beynəlxalq Valyuta Fondunun (IMF) proqnozlarına əsasən, dünya ÜDM-nin təxminən yarısı yalnız 4 ölkə tərəfindən formalaşır. Bunlar ABŞ, Çin, Almaniya və Yaponiyadır.
Məlumata görə, ən böyük iqtisadiyyat ABŞ-dır və qlobal ÜDM-in 25,6 faizini təşkil edir. İkinci yerdə Çin (16,5 faiz) gəlir. Daha sonra Almaniya (4,3 faiz) və Yaponiya (3,5 faiz) yer alır.
Top 15-likdə həmçinin Birləşmiş Krallıq, Hindistan, Fransa, İtaliya, Rusiya, Braziliya və Kanada kimi iqtisadiyyatlar yer alır.
Analitiklər bildirirlər ki, iqtisadi artım templəri ölkələr arasında ciddi fərqlənir. Çin və Hindistanda daha yüksək artım qeydə alındığı halda Almaniya və Yaponiya kimi inkişaf etmiş iqtisadiyyatlarda artım daha zəifdir.
Asiya qitəsinin qlobal iqtisadi artımda rolu getdikcə artır. Xüsusilə Hindistan və İndoneziya kimi ölkələr sürətli inkişaf tempi ilə dünya iqtisadi balansını dəyişdirir.
Ekspertlərin fikrincə, ticarət gərginlikləri və proteksionist siyasətlər qlobal iqtisadi dinamikanı dəyişdirərək regionlar arasında yeni risklər və imkanlar yaradır.
Ümumilikdə, dünya iqtisadiyyatı artımını davam etdirməklə yanaşı, getdikcə daha çox azsaylı ölkələrdə cəmləşən struktur xarakterli bir modelə çevrilir.
