Azərbaycanın mədəniyyət paytaxtı Şuşa şəhəri rəqəmsal və regional iqtisadi inteqrasiya baxımından mühüm bir sənayə sammitinə ev sahibliyi edib. Şuşada keçirilən Türk Dövlətləri Təşkilatına (TDT) üzv ölkələrin rəqabət orqanları rəhbərlərinin III iclasının yekununda qurumlar arasında gələcək inteqrasiya və tərəfdaşlıq mexanizmlərini tənzimləyən strateji birgə kommünike imzalanıb.
Azərbaycan Respublikası İqtisadiyyat Nazirliyi yanında Antiinhisar və İstehlak Bazarına Nəzarət Dövlət Agentliyinin sədri Elnur Bağırov mətbuata bəyanatında bildirib ki, bu sənəd türk coğrafiyasında transsərhəd bazarların tənzimlənməsi üçün hüquqi baza rolunu oynayacaq.
Türk Dövlətləri Təşkilatının Şuşada qəbul etdiyi bu son qərar, təşkilatın artıq sadəcə siyasi-mədəni platforma deyil, tamfunksional iqtisadi inteqrasiya mexanizminə çevrildiyini bəyan edir. Avropa İttifaqının Avropa Komissiyası vasitəsilə rəqabət mühitini tənzimlədiyi modelə bənzər bir struktur, indi TDT çərçivəsində formalaşır. Yaradılan 3 işçi qrupu xüsusilə rəqəmsal ticarət (e-commerce), enerji daşımaları və logistika sektorlarında inhisarçı müqavilələrin qarşısını almaqla, Azərbaycandan Orta Asiyaya qədər uzanan böyük bir coğrafiyada sahibkarlar üçün daha ədalətli və şəffaf investisiya iqlimi formalaşdıracaq.
