Azərbaycanda duz istehsalı bu ilin ilk yeddi ayında əhəmiyyətli artım nümayiş etdirib. Dövlət Statistika Komitəsinin məlumatına görə, 2026-cı ilin yanvar–iyul aylarında ölkədə 59 min 656,9 ton duz istehsal olunub. Bu, ötən ilin eyni dövrü ilə müqayisədə 25,3 faiz çoxdur.
Hesabata əsasən, 1 avqust tarixinə sənaye müəssisələrinin anbarlarında hazır duz məhsullarının ehtiyatı 26,8 ton təşkil edib. Bu göstərici ötən ilin analoji dövrü ilə müqayisədə 77,5 faiz artıb.
Müqayisə üçün qeyd edək ki, 2025-ci ilin yanvar–iyul aylarında Azərbaycanda 47 min 604,8 ton duz istehsal edilmişdi. Həmin dövrdə sənaye müəssisələrinin anbarlarında hazır məhsul ehtiyatı isə 15,1 ton olub.
Açıqlanan statistik göstəricilər ölkədə duz istehsalının artım tempini qoruduğunu və hazır məhsul ehtiyatlarının da ötən illə müqayisədə nəzərəçarpacaq dərəcədə yüksəldiyini göstərir.
MONETAR.AZ
