Qiymətli kağızlar bazarının əksər seqmentlərində geriləmə müşahidə olunsa da, Azərbaycan Mərkəzi Bankının notları üzrə əməliyyatlarda artım qeydə alınıb.
Mərkəzi Bankın notları üzrə dövriyyə illik müqayisədə 15,5 faiz artaraq 1 milyard 154 milyon manata yüksəlib.
Ekspertlərin fikrincə, bu dinamika investorların qısamüddətli, yüksək likvidliyə və nisbətən aşağı riskə malik maliyyə alətlərinə marağının artdığını göstərir. Bazar iştirakçıları qeyri-müəyyənlik şəraitində vəsaitlərini daha təhlükəsiz hesab edilən alətlərdə yerləşdirməyə üstünlük verirlər ki, bu da Mərkəzi Bank notlarına tələbatın yüksəlməsində öz əksini tapır.
MONETAR.AZ
