Financial Times-ın Rystad Energy araşdırmasına istinadən verdiyi məlumata görə, Yaxın Şərqdə zədələnmiş neft və qaz obyektlərinin bərpası 30–50 milyard dollar arasında xərc tələb edə bilər.
Analitiklərin qiymətləndirməsinə əsasən, ən böyük zərər İran-a dəyib. Burada qaz emalı zavodları və neft-kimya komplekslərinin ciddi zədələnməsi səbəbindən bərpa xərcləri 19 milyard dollara qədər çata bilər.
Eyni zamanda, infrastrukturun bərpasının gecikməsi qərb avadanlıqlarına və podratçılara çıxışın məhdud olması ilə əlaqələndirilir.
İkinci ən böyük xərclər isə Qətər üçün nəzərdə tutulur. Burada Ras Laffan LNG istehsalı kompleksinə ziyan dəyib.
Ümumilikdə, hesabat göstərir ki, Yaxın Şərqdə enerji sektorunun bərpası uzunmüddətli və yüksək maliyyə tələb edən proses olacaq.
