2025-ci ilin müvafiq dövrü üzrə açıqlanan statistik göstəricilərin təhlili göstərir ki, tərəvəz və meyvə məhsulları üzrə ixrac qiymətləri idxal qiymətlərini əhəmiyyətli dərəcədə üstələyir. Hər bir məhsul üzrə 1 kiloqramın orta idxal və ixrac qiymətləri aşağıdakı kimi formalaşıb.
DöKartof üzrə 189,43 ton ixraca qarşı 65,42 min ABŞ dolları dəyərində ticarət əməliyyatı qeydə alınıb. Hesablamalara əsasən, 1 kiloqram kartofun orta qiyməti təxminən 0,35 ABŞ dolları təşkil edib.
Tomat idxalı 12 141,99 ton, ixracı isə 13 647,84 ton olub. Məbləğ göstəricilərinə əsasən, 1 kiloqram tomatın orta ixrac qiyməti təxminən 0,61 ABŞ dolları səviyyəsində formalaşıb.
Meşə fındığı üzrə 2 290,63 ton məhsul ixrac edilib və 29 432,98 min ABŞ dolları gəlir əldə olunub. Bu halda 1 kiloqram fındığın orta ixrac qiyməti təxminən 12,85 ABŞ dolları təşkil edir ki, bu da siyahıda ən yüksək göstəricidir.
Alma üzrə 10 914,69 ton məhsul ixrac edilib və 8 194,62 min ABŞ dolları dəyərində satış həyata keçirilib. Hesablamaya görə, 1 kiloqram almanın orta ixrac qiyməti təxminən 0,75 ABŞ dollarıdır.
Xurma ixracı 26 692,83 ton, dəyəri isə 22 303,57 min ABŞ dolları olub. Bu göstərici 1 kiloqram üçün orta hesabla 0,84 ABŞ dolları deməkdir.
Nar üzrə 1 407,81 ton məhsul ixrac edilib və 1 259,29 min ABŞ dolları gəlir əldə olunub. Bu isə 1 kiloqram narın orta hesabla 0,89 ABŞ dollarına satıldığını göstərir.
Çay üzrə 61,23 ton məhsul ixrac edilib və 570,03 min ABŞ dolları gəlir əldə olunub. Bu halda 1 kiloqramın orta ixrac qiyməti təxminən 9,31 ABŞ dolları təşkil edib.
Ümumilikdə, tərəvəz və meyvə məhsulları üzrə aparılan hesablamalar göstərir ki, xüsusilə fındıq və çay kimi məhsullar yüksək əlavə dəyər formalaşdırır. Alma, xurma və nar kimi ənənəvi ixrac məhsulları isə orta qiymət seqmentində yer alır. Bu göstəricilər Azərbaycanın kənd təsərrüfatı ixracında meyvəçilik sektorunun mühüm paya malik olduğunu təsdiqləyir.
MONETAR.AZ
