Avropa İttifaqı elektrikli nəqliyyat vasitələrində “1000 volt” yüksək voltlu sistemlər dövrünə rəsmi olaraq start verdi. Bu təşəbbüs AB-nin “Horizon Europe” proqramı çərçivəsində həyata keçirilən ODYSSEV layihəsi ilə reallaşır. Məqsəd elektrikli avtomobillərin şarj müddətini kəskin azaltmaq, enerji səmərəliliyini artırmaq və yeni texnologiyaları sənaye standartına çevirməkdir.
Hazırda avtomobil sənayesində ən çox istifadə olunan 400 voltluq sistemlərin yerini 800 voltluq platformalar almağa başlayıb, 2019-cu ildə Porsche Taycan ilə bu texnologiya bazarda ilk dəfə tətbiq olunub. Lakin Avropa 800 volt həddini ötərək 1000 volt və daha yüksək gərginlik sistemlərində tədqiqatlar aparmağı planlaşdırır.
Bu təşəbbüsün arxasında həm dünyada artan rəqabət, həm də Çində artıq bəzi avtomobil markalarının 1000 volt texnologiyasına keçməsi dayanır. Belə sistemlər daha sürətli şarj imkanları və yüksək performansla xarakterizə olunur. Avrovə Orta Araşdırma və Sənaye təşkilatları, layihənin 42 ay davam edəcəyini və Avropada yeni standartların formalaşdırılmasını hədəflədiklərini bildirirlər.
Elektrikli avtomobillər sahəsində bu cür yeniliklər, Avropanın texnoloji liderliyini saxlamaq və gələcəkdə qlobal bazarda rəqabət qabiliyyətini artırmaq məqsədilə həyata keçirilir.
MONETAR.AZ
