Kahramanmaraşda “Azərbaycan” məhəlləsinin
Qiymətlər harada qalxıb, harada düşüb?: regional inflyasiya
17 İyun 2025
17:01
2025-ci ilin may ayında Azərbaycanda istehlak qiymətlərində bölgələr üzrə fərqli dinamika müşahidə olunub. Dövlət Statistika Komitəsinin məlumatlarına əsasən, ölkənin bir çox iqtisadi rayonlarında qida məhsulları ucuzlaşıb, lakin qeyri-qida məhsulları və xidmətlərdə qiymət artımları qeydə alınıb.
Ən çox ucuzlaşma Dağlıq Şirvanda baş verib – burada qida məhsullarının qiymətləri 1,1% azalıb. Bu, ölkə üzrə ən yüksək azalma göstəricisidir.
Ən böyük bahalaşma isə xidmət sektorunda qeydə alınıb – Dağlıq Şirvanda xidmətlər 1,2% artıb.
Bakı şəhərində qida məhsulları 0,3% ucuzlaşıb, əvəzində qeyri-qida mallarında 0,6% artım var. Ümumi qiymət indeksi: 100,1%.
Naxçıvan ən çox bahalaşmanın olduğu bölgədir – ümumi qiymət artımı 0,5%, qeyri-qida məhsullarında isə 0,8%.
Qarabağ və Şirvan-Salyan iqtisadi rayonlarında isə ümumi qiymətlərdə azalma olub (0,3%).
Mil-Muğan yeganə rayondur ki, burada qida məhsulları bahalaşıb – 0,1% artım.
Ümumilikdə, may ayında qida məhsulları üzrə qiymətlər bir çox bölgədə azalma meyli göstərsə də, xidmətlər və qeyri-qida məhsullarında bahalaşma tendensiyası davam edir.
MONETAR.AZ
