Avropanın əsas fond indeksləri noyabrın 4-də kəskin yüksəlib. Bank, lüks istehlak malları və bərpaolunan enerji şirkətlərinin səhmləri artıma öncüllük edib.
Monetar.az xəbər verir ki, Euro Stoxx 50 indeksi 2,3%, ümumavropa Stoxx 600 indeksi isə təxminən 2% artıb. Bu, mayın 6-dan bəri Avropa bazarlarında ən güclü gündəlik yüksəlişlərdən biri olub.
Danimarkanın “Orsted” şirkətinin səhmləri 5%, “Vestas” şirkətinin səhmləri isə 3,1% bahalaşıb.
İnvestorlar ABŞ-də siyasi dəyişikliklərin enerji və investisiya siyasətinə mümkün təsirlərini qiymətləndirirlər. Müdafiə sənayesi şirkətlərinin səhmləri isə ABŞ-nin hərbi xərcləri ilə bağlı gözləntilər fonunda digər sektorlarla müqayisədə zəif nəticə göstərib.
