İstirahət günlərində kəskin ucuzlaşan Bitcoin bu gün günü demək olar ki, dəyişməz qalıb. Neft qiymətlərinin artması ilə bağlı narahatlıqlar və aparıcı mərkəzi bankların qarşıdakı iclasları investorların kriptovalyuta bazarına marağını azaldıb.
Bazar məlumatlarına görə, bazar ertəsi Bakı vaxtı ilə saat 09:52-yə olan vəziyyətə əsasən, bazar kapitallaşmasına görə dünyanın ən böyük kriptovalyutası olan Bitcoin 0,4% ucuzlaşaraq 80 227,7 dollar səviyyəsində ticarət olunub.
Bitcoin istirahət günləri ərzində təxminən 2 000 dollar dəyər itirib. Buna qlobal texnologiya səhmlərindəki geriləmə və yaxın günlərdə dünyanın aparıcı mərkəzi banklarından daha sərt pul siyasətinə işarə edən açıqlamaların verilə biləcəyi ilə bağlı gözləntilər təsir göstərib.
Bazar iştirakçılarının riskli aktivlərə marağının azalması kriptovalyutaların qiymətlərinə də təzyiq yaradıb.
Bitcoinin qiymətindəki geriləmə daha geniş kriptovalyuta bazarına da təsir edib. Bu gün altkoinlərin əksəriyyəti mənfi zonada ticarət olunub.
Neft qiymətləri ilə bağlı narahatlıqlar və mərkəzi bankların qərarları öncəsi qeyri-müəyyənlik kriptovalyuta bazarında investorların ehtiyatlı davranmasına səbəb olan əsas amillər sırasında yer alıb.
MONETAR.AZ
