ABŞ əmək bazarında gözləniləndən daha güclü göstəricilərin Federal Ehtiyat Sisteminin (FED) bu ay faiz dərəcəsini artıracağı ilə bağlı gözləntiləri gücləndirməsi fonunda Bitcoin bu gün 80 min dollar həddindən aşağı düşüb. ABŞ və İran arasında gərginliyin kəskinləşməsi və bunun nəticəsində neft qiymətlərinin yüksəlməsi də riskli aktivlərə təzyiqi artırıb.
Bitkoin Moskva vaxtı ilə saat 09:01-ə olan məlumata görə, gün ərzində təxminən 0,3% ucuzlaşaraq 79 724,8 dollar səviyyəsində ticarət olunub.
Kriptovalyuta ötən həftə qısa müddətə 82 min dollar həddini keçərək cümə axşamı günü 82 178,6 dollara yüksəlib. Bu, Bitcoinin üç aydan çox müddətdə ən yüksək səviyyəsi olub. Lakin cümə günü ABŞ əmək bazarı ilə bağlı məlumatların açıqlanmasından sonra kriptovalyuta yenidən geriləyib. ABŞ-da avqust ayında 162 min yeni iş yerinin yaradılması analitiklərin 56 minlik proqnozunu əhəmiyyətli dərəcədə üstələyib və FED-in sentyabrın 15–16-da keçiriləcək iclasında faiz artımı ehtimallarını yüksəldib.
Bazar iştirakçıları indi ABŞ-da bu həftə açıqlanacaq inflyasiya göstəricilərini izləyirlər. Bu məlumatlar FED-in növbəti faiz qərarı ilə bağlı gözləntilərin formalaşmasında əsas rol oynaya bilər.
MONETAR.AZ
