Qlobal ticarət əlaqələrini genişləndirməyə çalışan Çin, Şimali Afrikanın mühüm iqtisadi mərkəzlərindən biri olan Mərakeşə azad ticarət sazişi imzalamağı təklif edib. Bu barədə Mərakeşin sənaye və ticarət naziri Riyad Mezzur rəsmi müsahibəsində bəyan edib. Hazırda rəsmi Rabat Pekinlə qurulacaq daha sıx iqtisadi tərəfdaşlığın ölkənin ixracyönümlü sənaye sektoruna göstərəcəyi təsirləri dərindən analiz edir.
Nazir Riyad Mezzur qeyd edib ki, Çinin təklifi hazırda hökumətin baxılma mərhələsindədir və tərəflər arasında hələlik rəsmi danışıqlara start verilməyib. Mərakeş rəsmilərinin fikrincə, potensial ticarət sazişi yerli şirkətlərə nəhəng Çin bazarına rüsumsuz və maneəsiz çıxış imkanı qazandıra bilər.
Bu addım həm də Mərakeşin ənənəvi olaraq Avropadan asılı olan xarici ticarət əlaqələrini şaxələndirmək (diversifikasiya etmək) strategiyasına tam uyğundur. Qeyd edək ki, Mərakeş son 20 ildə daxili sənayesini ciddi şəkildə inkişaf etdirərək aşağıdakı sahələrdə regionun liderinə çevrilib:
Mərakeş artıq ABŞ və Avropa İttifaqı başda olmaqla bir çox qlobal güclərlə azad ticarət sazişlərinə sahibdir. Bu səbəbdən nazir vurğulayıb ki, Çinlə imzalanacaq hər hansı yeni sənəd ölkənin mövcud öhdəlikləri və tərəfdaşlıqları nəzərə alınmaqla, yerli biznes nümayəndələri ilə məsləhətləşmələr çərçivəsində qiymətləndirilməlidir. "Bu sazişin iqtisadiyyatımıza hansı real təsirlər göstərəcəyini və digər tərəfdaşlarımızla münasibətlərə necə təsir edəcəyini dəqiq hesablamalıyıq", – deyə Mezzur bildirib.
Çin istiqaməti ilə yanaşı, Mərakeş transatlantik əlaqələrini də gücləndirir. Belə ki, krallıq hazırda Çili ilə də bənzər bir azad ticarət sazişi üzərində aktiv iş aparır. Rəsmi Rabat bu saziş vasitəsilə özünün yerli avtomobil ixracını Cənubi Amerikanın ən böyük ticarət bloku olan "MERCOSUR"-a daxil etməyi hədəfləyir.
MONETAR.AZ
