Dünyada ümumilikdə 4 020 milyarder yaşayır. Onların yarıdan çoxu Çin və ABŞ-da məskunlaşıb.
Monetar.az xəbər verir ki, milyarderlərin sayına görə Çin 1 110 nəfərlə birinci, ABŞ isə 1 000 nəfərlə ikinci yerdədir. Hindistan 308 milyarderlə üçüncü pillədə qərarlaşıb.
Avropada ən çox milyarder Almaniyada yaşayır – 171 nəfər. Böyük Britaniya 150, İsveçrə 114, Rusiya 105, İtaliya 73, Fransa 71 milyarderlə növbəti yerlərdədir.
Asiya ölkələri də siyahıda üstünlük təşkil edir. Sinqapurda 59, İndoneziyada 44, Yaponiyada 42, Tailandda 40, Cənubi Koreyada 37 milyarder var. Türkiyə və İsveçdə isə bu göstərici 35 nəfər təşkil edir.
Amerika qitəsində Braziliya 77 milyarderlə öndədir. Kanadada 75, Meksikada 27, Çilidə 15 milyarder yaşayır.
Yaxın Şərqdə BƏƏ 28, Səudiyyə Ərəbistanı isə 17 milyarderlə seçilir. Monakoda da 27 milyarder yaşayır.
2026-cı ildə milyarderlərin sayında ən böyük artımlardan biri Çində qeydə alınıb. Ölkədə milyarderlərin sayı bir il ərzində 287 nəfər artıb. ABŞ-da artım 130, Almaniyada 30, Avstraliyada 12, Sinqapurda 11 nəfər olub. Braziliya və Kanadada isə milyarderlərin sayı 10 nəfər artıb.
Beləliklə, Çin və ABŞ birlikdə dünyadakı 4 020 milyarderin 2 110-na, yəni təxminən 52,5%-nə ev sahibliyi edir.
