Dünyanın ən böyük qəhvə istehsalçılarından biri olan "Nestle" korporasiyası, qlobal birjalarda qəhvə dənələrinin ucuzlaşması fonunda son istehlakçılar üçün pərakəndə satış qiymətlərini aşağı sala biləcəyini bəyan edib. Şirkət rəsmisi xammal bazarındakı korreksiyanın qiymət siyasətinə mütləq təsir edəcəyini vurğulayıb.
"Nestle"nin qəhvə brendləri üzrə strateji biznes bölməsinin rəhbəri Aksel Tuza şirkətin İsveçrənin Veve şəhərində yerləşən baş qərargahındakı çıxışı zamanı bildirib ki, qəhvə qiymətlərinin aşağı düşməsi həm sənaye, həm də alıcılar üçün müsbət xəbərdir.
Qəhvə bazarı son 3 ildə kəskin volatillik (qiymət dalğalanması) dövrünü yaşayır:
-
2024-cü il: Əlverişsiz hava şəraiti (quraqlıq və donvurmalar) səbəbindən qlobal qəhvə istehsalı kəskin azaldı və qiymətlər sıçrayış etdi.
-
2025-ci il: Xammal qiymətləri birjalarda özünün tarixi maksimum həddinə çatdı.
-
2026-cı il (Cari vəziyyət): Dünya bazarında tədarük zəncirinin bərpası ilə qəhvə dənələrinin qiymətində ümumi eniş trendi müşahidə olunur.
"Nescafe" və "Nespresso" kimi brendlərin sahibi olan "Nestle" bəyan edir ki, pərakəndə qiymətlərin eniş sürəti hər bir ölkənin daxili bazar şərtlərindən və şirkətin mövcud xammal ehtiyatlarının (müqavilə qiymətlərinin) həcmindən asılı olacaq.
Sahə üzrə ekspertlərin analizlərinə görə, birjadakı ucuzlaşmanın rəflərdə əks olunması üçün müəyyən zamana ehtiyac var.
Məhz bu 9 aylıq zaman fərqi ucbatından ötənilki tarixi qiymət artımının acısı hələ də bitməyib. Mağaza və kafelərdə qəhvənin satış qiymətləri hazırda yüksək səviyyədə qalmaqdadır. Lakin "Nestlé"nin son siqnalları ilin sonuna doğru qəhvə sevərlərin cibinin rahatlayacağından xəbər verir.
MONETAR.AZ
