Dünyanın bazar dəyərinə görə ən böyük şirkətlərinin yeni reytinqi açıqlanıb. "CompaniesMarketCap" platformasının 2026-cı ilin iyun ayına aid məlumatına əsasən, süni intellekt və yarımkeçirici texnologiyalar sahəsində sürətli inkişaf texnologiya şirkətlərinin bazar kapitallaşmasının əhəmiyyətli dərəcədə artmasına səbəb olub.
Reytinqə 4,85 trilyon ABŞ dolları bazar dəyəri ilə NVIDIA liderlik edir. İkinci pillədə 4,32 trilyon dollarla Apple, üçüncü yerdə isə 4,22 trilyon dollar bazar kapitallaşması ilə Alphabet (Google) qərarlaşıb.
Siyahıda texnologiya sektoru üstünlük təşkil edir. Belə ki, dünyanın ən dəyərli 50 şirkətindən 22-si bu sahədə fəaliyyət göstərir. Mütəxəssislər bunu süni intellekt infrastrukturu, yarımkeçirici istehsalı və məlumat mərkəzlərinə yatırılan investisiyaların artması ilə əlaqələndirirlər.
İlk 10-luq belə sıralanır:
-
NVIDIA – 4,85 trilyon ABŞ dolları
-
Apple – 4,32 trilyon ABŞ dolları
-
Alphabet (Google) – 4,22 trilyon ABŞ dolları
-
Microsoft – 2,78 trilyon ABŞ dolları
-
Amazon – 2,52 trilyon ABŞ dolları
-
TSMC (Taiwan Semiconductor Manufacturing Company) – 2,26 trilyon ABŞ dolları
-
SpaceX – 2,06 trilyon ABŞ dolları
-
Broadcom – 1,81 trilyon ABŞ dolları
-
Saudi Aramco – 1,70 trilyon ABŞ dolları
-
Samsung – 1,45 trilyon ABŞ dolları
Reytinqdə ABŞ şirkətləri üstünlük təşkil edir. Bununla yanaşı, maliyyə, enerji və səhiyyə sektorlarında fəaliyyət göstərən iri korporasiyalar da siyahıda yer alır.
Enerji sektoru üzrə ən yüksək göstərici Səudiyyə Ərəbistanının Saudi Aramco şirkətinə məxsusdur. Şirkətin bazar dəyəri 1,7 trilyon ABŞ dolları səviyyəsində qiymətləndirilir.
Asiya şirkətləri arasında isə Tayvanın TSMC və Cənubi Koreyanın Samsung şirkətləri ən yüksək mövqelərdə qərarlaşıblar.
Süni intellekt texnologiyalarına qlobal tələbatın artması və rəqəmsal infrastrukturun genişlənməsi yaxın illərdə texnologiya şirkətlərinin dünya iqtisadiyyatındakı mövqeyini daha da gücləndirəcək.
MONETAR.AZ
