Cari ilin yanvar–mart aylarında Azərbaycanda magistral qaz kəmərləri vasitəsilə 11 125,1 milyon kubmetr qaz nəql olunub ki, bu da ötən ilin eyni dövrü ilə müqayisədə 3,3% çoxdur.
Dövlət Statistika Komitəsi-nin məlumatına görə, qaz nəqlinin 50,8%-i Bakı–Tbilisi–Ərzurum qaz kəməri (Cənubi Qafqaz qaz kəməri) vasitəsilə həyata keçirilib.
Bu kəmərlə Şahdəniz yatağından hasil olunan qaz ixrac edilir.
Hesabat dövründə sözügedən kəmər vasitəsilə 5 653,4 milyon kubmetr qaz nəql olunub ki, bu da illik müqayisədə 3,8% artım deməkdir.
